Ciwon Lafiya

Gwamna ya hana shiga masallatai, coci-coci da bankuna sai da katin shaidar rigakafin korona

Gwamna Godwin Obaseki na Jihar Edo ya hana Musulmai da Kiristoci shiga masallatai da coci-coci ba tare da katin shaidar an yi wa mutum rigakafin korona ba.

Wannan doka ta shafi shiga bankuna da sauran wuraren da dandazon jama’a ke taruwa.

Obaseki ya yi wannan bayani a Benin, babban birnin jihar, a lokacin da ya ke ƙaddamar da fara yin allurar korona kashi na 2 a jihar.

“Daga makonni biyu na farkon watan Satumba za a hana shiga masallatai da coci-coci da bankuna da sauran wuraren ayyukan gwamnati ga duk wanda ba a yi wa rigakafin korona ba.

“Alamomi sun nuna tabbas korona ta samu gindin zama cikin jama’a daram-daƙam. Kuma babu wanda zai iya cewa wani nau’in korona bayan wannan na ‘Delta Varient’ ba zai iya bayyana ya fantsama ba.

“Saboda haka mu ba za mu sake kulle Jihar Edo ba, amma dai za mu hana duk wanda ba a yi wa rigakafi ba shiga cikin jama’a a wuraren ibada, ma’aikatu da sauran wuraren da jama’a ke hada-hada, kamar bankuna da sauran su.”

Obaseki ya ce tuni an tsara komai yadda jami’an tsaro za su riƙa hana wanda bai ɗauke da katin shaidar korona shiga masallatai da coci-coci da sauran wuraren taruwar jama’a.”

Gwamnan ya nuna damuwa ganin yadda cutar korona ke ƙara bazuwa a jihar
Edo.

Ya ce gwamnatin sa za ta yi ƙoƙarin ganin an yi wa aƙalla kashi 60% cikin 100% na ‘yan jihar Edo rigakafin korona nan da ƙarshen shekara mai zuwa.


Source link

Related Articles

7 Comments

  1. 793154 865952You will be able use all sorts of advised attractions with various car treatments. A quantity of sell traditional tools numerous demand families for almost any event for any investment district, or even for a holiday in new york. ???? ??? ?????? ????? 212288

Leave a Reply

Your email address will not be published. Required fields are marked *

Back to top button

Adblock Detected

Please turn off your ad blocker so that we can earn something and you get more news