Labarai

JIGAWA: Hukumar Zabe tayi watsi da dan takaran APC na zaben cike gurbi a Gwaram

Photo of labarai labaraiMarch 19, 2021
129 562 1 minute read

Hukumar Zabe mai zaman kanta a Jihar Jigawa taki amincewa da zabin cikin gida da jam’iyar APC tayi na nuna dan takara wanda zai fafata a zaben cike gurbi ta kujerar dan majalissar tarraya mai wakiltar karamar hukumar Gwaram.

INEC tace APC tayi riga malam masallaci wajen bayyana dan takaran mako daya cacal da rasuwar dan majalissa Hassan Yuguda.

Hukumar ta INEC ta bayyana hakanne a ranar laraba, bayan wata sanarwa ta APC tayi a Jigawa cewar Yusufu Galambi shi ne dan takarar ta, duk da cewa ba’ayi zaben feramare ba.

A baya, Jaridar PREMIUM TIMES HAUSA, ta rawaito rasuwar Malam Yuguda, dan Jam’iyar ta APC, mai wakiltar Gwaram, wanda ya rasu a babbar Asibitin kasa dake Abuja ranar 4th, March, bayan gajeruwar rashin lafiya.

Sati daya cacal da rasuwar, wata kwamiti da APC ta kafa, mai jagorancin Tsohon minista Bello Maitama-Yusuf, tace Galambi shi ne dan takararta a zaben mai zuwa ta mazabar Gwaram a majalissar tarayya dake Abuja.

Maitama-Yusuf ya shaida wa kafofin yada labarai mallakar Jihar ta Jigawa cewa masu ruwa da saki na Jam’iyar APC a Jigawa sun amince da Galambi da hau tikitin ta APC.

Yace hakan ya samu amincewar matemakin Gwamnar Jihar, Umaru Namadi, da kakakin majalissar dokuki ta Jihar, Idris Garba, da kuma mai rikon kwaryar Jam’iyar ta APC a Jigawa Umaru Dikuma.

Shugaban Hukumar INEC a Jigawa, Mahmud Isa, ya shaidawa manema labarai cewa INEC bata kaiga batun zaben cike gurbin ta Gwaram ba, saboda haka duk wata sanarwa ta APC tayi babu ruwanta kuma ya saba dokar INEC.

Mr Isa yace INEC har yanzu bata samu umarni ba daga babban offishinta dake Abuja dangane da zaben cike gurbin na Gwaram, saboda haka ita awajenta babu dan takara.

Malam Isa ya kara da cewa, idan lokacin zaben yayi sai anyi firamare kuma sai INEC ta shaida kafin dan takara zai bayyana kansa a matsayin dan takara, amma yanzu a hukumar INEC babu dan takara a zaben na cike gurbi a Gwaram.


Source link

Photo of labarai labaraiMarch 19, 2021
129 562 1 minute read
Photo of labarai

labarai

Related Articles

Yadda na bindige dan fashi da makami a gidana na raunata abokan sa – Honarabul Abdullahi

January 30, 2021

Buhari ya kara wa kamfanin dake kwangilar titin Sokoto-Tambuwal-Makera naira biliyan 8.39

April 22, 2021

Hukumar Babban Birnin Tarayya (FCTA) ta yi koka da yawan gine-ginen da aka yi watsi da su a Abuja

January 22, 2021

Za a toshe layukan sadarwa a wasu kananan hukumomin jihar Kaduna – El-Rufa’i

September 29, 2021

129 Comments

Leave a Reply

Your email address will not be published. Required fields are marked *

Back to top button