Labarai

TARON GWAMNONIN APC DA BUHARI: Za a yi gangamin jam’iyya cikin watan Fabrairu, 2022

Bayan da Gwamnonin Jam’iyyar APC su ka gana da Shugaba Muhammadu Buhari, shugabannin jam’iyyar sun amince su shirya gangamin taro na ƙasa a cikin watan Fabrairu, 2022. Haka dai wani jami’i a cikin jam’iyyar ya tabbatar da haka.

Gwamna Mai Mala-Buni kuma Shugaban Rikon APC kuma Gwamnan Jihar Yobe ne ya bayyana haka ga manema labarai a Abuja, bayan sun fito daga ganawar da su ka yi da Shugaba Buhari a fadar sa, ranar Litinin a Abuja.

Cikin waɗanda su ka halarci ganawa da Buhari, akwai gwamnan Kebbi Atiku Bagudu, na Jigawa Badaru Abubakar. Badaru shi ne Shugaban Ƙungiyar Gwamnonin APC.

Buni ya ce an amince a gudanar da taron gangamin jam’iyya cikin watan Fabrairu a lokacin da shugabannin su su ka halarci taro a ranar Lahadi.

Ya ƙara da cewa har yanzu dai ba a cimma matsayar ranar da za a yi taron ba. Amma dai an cimma shirya shi cikin Fabrairu, bayan an tuntuɓi manyan masu ruwa da tsakin cikin APC.

Buni wanda shugabancin sa ke shan suka musamman a cikin manyan APC, ya ƙaryata raɗe-raɗin da ake yi cewa zai nemi ƙarin wa’adin ci gaba da shugabancin APC.

“Ni ba ni da aiki ne da har ko da yaushe zan ta neman ƙarin wa’adin shugabanci ko me? Akwai nauyin da ke kai na wato shugabancin al’ummar Jihar Yobe. To shi na ke so idan an yi gangami, an zaɓi sabbin shugabanni, ni ma sai na koma jiha ta, na ci gaba da ƙoƙarin sauke nauyin da ke kai na.”

An naɗa Buni shugabancin kwamitin tafiyar da APC na mutum 13, a cikin watan Yuni, 2020, bayan an wancakalar da shugabancin Adams Oshiomhole.


Source link

Related Articles

7 Comments

  1. Greetings! This is my first visit to your blog!
    We are a collection of volunteers and starting a new
    initiative in a community in the same niche.
    Your blog provided us useful information to work on. You have
    done a outstanding job!

  2. Howdy just wanted to give you a quick heads up.

    The text in your article seem to be running off the screen in Opera.
    I’m not sure if this is a format issue or something to do with internet browser compatibility but I thought I’d post to let you know.
    The style and design look great though! Hope you get the problem resolved soon. Many thanks

Leave a Reply

Your email address will not be published. Required fields are marked *

Back to top button

Adblock Detected

Please turn off your ad blocker so that we can earn something and you get more news