Labarai

ZAƁEN GWAMNAN OSUN: Matsalar tsaro da guguwar sayen ƙuri’u ne abin da ya fi damun mu -INEC

Hukumar Zaɓe ta Ƙasa (INEC) ta ce babban abin da ya fi damun hukumar a zaɓen gwamnan Jihar Osun shi ne matsalar tsaro da kuma yadda ake cinikin ƙuri’u ƙiri-ƙiri a fili.

Da ya ke bayani dangane da irin kintsawar da INEC ta yi wa zaɓen, Shugaban INEC Mahmood Yakubu ya ce ana nan ana gagarimin shiri domin tabbatar da cewa an yi zaɓe ba tare da wata tangarɗa ba.

Zaɓen wanda za a yi a ranar 16 Ga Yuli, zaɓen gwamna ne wanda ba ya cikin zaɓen gwamnonin da za a yi na 2023.

Yakubu ya ce ya na kyautata cewa zaɓen mai zuwa zai fi na Jihar Ekiti da aka yi cikin Yuni samun nasara.

Sai dai kuma Yakubu ya nuna damuwa kan matsalar tsaro da kuma sayen ƙuri’u, manyan matsaloli biyu da ya ce su na kawo wa zaɓuka cikas a Najeriya.

“Idan aka dubi abin da ya faru a zaɓen gwamnan Jihar Ekiti da aka yi baya-bayan nan, INEC na sa-ido sosai kan matsalar tsaro a Jihar Osun.

“Duk da cewa dai a yanzu babu wata barazana, duk da haka mun damu da rahotannin samun ɓarkewar giringimu a wasu yankuna. An hargitsa wurin karɓar karin rajistar zaɓe a Erin Oke da Erin Ijesha. Dukkan su mazaɓu ne a cikin Ƙaramar Hukumar Oriade. Wannan yamutsi har ya janyo ɓacewar karin shaidar rajistar zaɓe guda 46.

“Haka nan kuma ganin irin yadda aka samu yawaitar cinikin ƙuri’u a zaɓukan baya-bayan nan, sayen ƙuri’u na daga cikin babban abin da ke damun mu. Mun gode da irin rawar da Hukumar EFCC ta taka wajen damƙe wasu masu sayen ƙuri’a, waɗanda ke zubar wa dimokraɗiyya da mutuncin ta.”

Ya ce yanzu haka INEC na aiki kafaɗa-da-kafaɗa da EFCC, domin tabbatar da cewa an gurfanar, tare da hukunta waɗanda aka kama su na sayen ƙuri’u za zaɓen gwamnan Ekiti da aka yi kwanan baya.


Source link

Related Articles

One Comment

  1. hello there and thank you for your information ?
    I have definitely picked up something new from right here.

    I did however expertise some technical points using this website, since I experienced to reload
    the web site many times previous to I could
    get it to load properly. I had been wondering if your web hosting is OK?
    Not that I am complaining, but slow loading instances times will often affect your
    placement in google and can damage your high-quality score if ads and marketing with Adwords.
    Well I?m adding this RSS to my e-mail and can look out for much more of your
    respective fascinating content. Ensure that you update this again soon..

    My blog post … item455477713

Leave a Reply

Your email address will not be published. Required fields are marked *

Back to top button

Adblock Detected

Please turn off your ad blocker so that we can earn something and you get more news